روالپنڈی میں طالب علم پر تشدد کرنے والا اسکول ٹیچر گرفتار

راولپنڈی کے علاقے گوجر خان میں پولیس نے کارروائی کرتے ہوئے 12 سالہ طالب علم کو تشدد کا نشانہ بنانے والے اسکول ٹیچر کو گرفتار کر لیا۔

تفصیلات کے مطابق گوجرخان پولیس نے کارروائی کرتے ہوئے 12 سالہ طالب علم پر تشدد میں ملوث معلم کو گرفتار کیا۔ مدعی مقدمہ نے الزام عائد کیا کہ اسکول ٹیچر توقیر نے میرے بیٹے کو ڈنڈوں سے مارا ہے۔

گوجرخان پولیس نے متاثرہ طالب علم کے والد کی درخواست پر مقدمہ درج کرکے سکول کے معلم توقیر کو گرفتار کر لیا،۔ ایس پی صدر نے کہا کہ ملزم کو ٹھوس شواہد کے ساتھ چالان عدالت کرکے قرار واقعی سزا دلوائی جائے گی۔

محمد نبیل کھوکھر ایس پی صدر نے کا کہ اساتذہ مستقبل کے معمار ہیں، بچوں پر تشدد ناقابل برداشت اور قابل تعزیر جرم ہے۔