سگریٹ نوش ٹک ٹاکر کے ساتھ پولیس افسر کی ویڈیو وائرل

کراچی میں سگریٹ نوشی کرنے والی خاتون کے ساتھ ٹک ٹاک ویڈیو بنوانے والے پولیس اہلکار کو اپنے کیے کی سزا مل گئی۔

خاتون ٹک ٹاکر کے ساتھ پولیس اہلکار نے آئی جی کی جانب سے پابندی کے باوجود ویڈیو بنا کر اسے ٹک ٹاک پر شیئر کی جو دیکھتے ہی دیکھتے وائرل ہوگئی۔

ایس ایس پی کورنگی کے ترجمان کے مطابق وائرل ویڈیو پر اعلیٰ حکام نے نوٹس لے کر خاتون کے ساتھ ویڈیو بنانے والے پولیس افسر صفدر کو معطل کر دیا جبکہ ناصر چوکی کے انچار اور ہیڈ کانسٹیبل عبداللہ شاہ کو غفلت برتنے پر شوکاز نوٹس جاری کردیا۔

معاملے کی تحقیقات کے لیے محکمانہ انکوائری شروع کر دی گئی ہے، اور پولیس افسر کے ساتھ ویڈیو میں نظر آنے والی خاتون کی شناخت کے لیے کوششیں جاری ہیں۔

یہ واقعہ اسی طرح کے ایک کیس کے بعد پیش آیا ہے جس میں ایک خاتون کانسٹیبل ماریہ گل شامل ہے، جسے اس سال کے شروع میں مائی کولاچی روڈ پر ریکارڈ کی گئی ایک ویڈیو کے وائرل ہونے کے بعد معطل کر دیا گیا تھا۔

ڈی آئی جی ساؤتھ نے معطلی کے احکامات پولیس فورس کی پیشہ ورانہ مہارت اور اپنی صفوں میں نظم و ضبط برقرار رکھنے کی اہمیت کا حوالہ دیتے ہوئے جاری کیے۔