ساحر حسین سے گرفتاری کے وقت کتنی منشیات برآمد ہوئی؟ تہلکہ خیز انکشاف

جوڈیشل مجسٹریٹ جنوبی کی عدالت میں ملزم ساحر حسن سے منشیات برآمدگی کے مقدمے میں پولیس نے عبوری چالان جمع کرادایا جس میں ملزم بازل عاشق کو مفرور قرار دیا گیا ہے۔

عبوری چالان میں کہا گیا کہ کیس میں ملزم ساحر حسن گرفتار ہے۔جس کو 22 فروری کو ڈی ایچ اے فیز 6 سے گرفتار کیا گیا ہے۔  ملزم نے کندھے پر سیاہ رنگ کا ہینڈ کیری بیگ لٹکایا ہوا تھا۔

چالان میں لکھا گیا ہے کہ ملزم کے قبضے سے 5 پیکٹ ویڈ گانجا برآمد ہوا ہے۔ ملزم نے دوران انٹروگیشن جرم کا اعتراف کیا اور بتایا ہے کہ وہ 2014 سے چرس کا نشہ کررہا ہے۔

چالان کے مطابق ملزم نے بتایا کہ بازل اور یحییٰ ویڈ کورئیر سروس کے ذریعے مجھے بھیجتے ہیں۔ ملزم نے بتایا کہ بازل اور یحییٰ بیرون ملک سے ویڈ منگواتے ہیں۔

ملزم بازل کے وارنٹ گرفتاری حاصل کرکہ گھر پر تلاش کیا مگر ملزم نہیں ملا۔ ملزم ساحر کا موبائل فون پنجاب فرانزک لیب بھیجا ہوا ہے۔ ملزم یحییٰ کا نام ناکافی شواہد کی وجہ سے کالم ٹو میں رکھا گیا ہے۔