شوہر سے ناراض ہوکر گھر جانے والی لڑکی سے سسرالی کی متعدد بار زیادتی

ملتان کے علاقے علی پور میں شوہر سے ناراض ہوکر اپنے گھر جانے والی لڑکی سے خاوند کے قریبی رشتے دار نے زیادتی کر کے ویڈیوز وائرل کردیں۔

تصیلات کے مطابق علی پور میں خاتون سے ناراض ہوکر گھر جانے والی لڑکی کے والد نے پولیس میں اپنی صاحبزادی کے ساتھ پیش آنے والے دلخراش واقعے کی تفصیلات پولیس کو تحریری طور پر بتائیں۔

پولیس نے والد کا مدعا سننے اور تحریری درخواست کے بعد مقدمہ درج کیا۔ متاثرہ والد نے بتایا کہ اُس کی بیٹی شوہر سے ناراض ہوکر گھر آگئی تھی جس کے بعد داماد کے قریبی رشتے دار نے بیٹی فرحانہ کو زیادتی کا نشانہ بنایا۔

انہوں نے بتایا کہ ملزم نے بیٹی کی ویڈیو بنائی اور اُسے بلیک میل کر کے ڈیڑھ ماہ تک زیادتی کا نشانہ بنایا، انکار کرنے پر ملزم نے بیٹی کی ویڈیوز وائرل کردیں۔

پولیس نے مقدمہ درج کرنے کے بعد ملزم کی گرفتاری کے لیے اقدامات شروع کردیے جبکہ والد نے اپنی بیٹی کے شوہر کو بھی تفتیش میں شامل کرنے کا مطالبہ کیا ہے کیونکہ اُس کا ماننا ہے کہ سب کچھ حکمت عملی کے تحت کیا گیا ہے۔