ساہیوال میں گونگی بہری لڑکی کے ساتھ زیادتی

پنجاب کے علاقے ساہیوال میں قوت سماعت اور بصارت سے محروم لڑکی کو زیادتی کا نشانہ بنانے کا واقعہ پیش آیا ہے۔

تفصیلات کے مطابق ساہیوال کے نواحی گاؤں 34/14 ایل میں پیش آیا جہاں گھر کے قریب دکان پر سودا خریدنے کیلیے گئی گونگی بہری لڑکی کو ملزم ورغلا کر اپنے ساتھ لے گیا اور زیادتی کا نشانہ بنایا۔

لڑکی کی والدہ نے واقعے سے متعلق پولیس کو مطلع کیا اور مقدمہ درج کرایا جس میں اسلم نامی شخص کو نامزد کیا گیا ہے۔

ایف آئی آر کے مطابق اسلم نامی شخص نے خالی احاطہ میں لے جا کر بچی کے ساتھ زیادتی کی، لڑکی کے شور مچانے اور واویلا کرنے پر ملزم موقع سے فرار ہو گیا۔ آخری اطلاعات تک پولیس تھانہ شاہکوٹ ملزم کو تاحال گرفتار نہیں کرسکی۔