سردی کے باعث اسکولوں کے اوقات کار ایک بار پھر تبدیل، کلاسسز 9 بجے سے ہوں گی

سندھ حکومت نے سردی کی لہر کے سبب اسکولوں کے اوقات کار ایک بار پھر تبدیل کردیے۔

 نگراں وزیر تعلیم سندھ رعنا حسین کی ہدایت پر اسکولوں کے اوقات کار میں تبدیلی کی گئی ہے۔ 

صوبائی وزیر تعلیم رعنا حسین نے حالیہ دنوں میں سردی کی شدت کے پیش نظر اسکولوں کے اوقات میں تبدیلی کی ہدایت کردی۔

ہدایت کے مطابق کراچی ریجن کے اسکولز کے علاوہ سندھ بھر کے باقی تمام اضلاع کے اسکولز صبح 9 بجے شروع کیے جائیں گے۔

محکمہ تعلیم سندھ کے مطابق کراچی ریجن میں اسکولز صبح 8:30 کھولے جائیں گے۔

واضح رہے کہ حکومتی حکم نامے کے باوجود بھی متعدد اسکول تاحال صبح 8 بجے سے ہی شروع ہورہے ہیں اور اس حوالے سے والدین سے سوشل میڈیا پر احتجاج بھی کیا ہے۔