سرگودھا میں سسر کی بہو سے زیادتی کی کوشش، بتانے پر شوہر نے بازو توڑ دیا

پنجاب کے علاقے سرگودھا میں مبینہ طور پر سسر نے بہو کو جنسی زیادتی کا نشانہ بنانے کی کوشش کی تاہم خاتون کے شور مچانے پر واردات ناکام ہوگئی۔

تفصیلات کے مطابق سسر نے بہو سے مبینہ زیادتی کی کوشش کی تاہم خاتون کی چیخ و پکار پر خاتون کا شوہر اور اہل علاقہ پہنچ گئے اور ملزم موقع سے فرار ہوگیا۔

خاتون کے الزام پر بیٹے نے اپنے باپ کا دفاع کیا اور بیوی کو تشدد کا نشانہ بنا کر اس کا بازو توڑ دیا جبکہ جسم کے مختلف حصوں میں بھی تشدد کی وجہ سے زخم آئے ہیں۔

متاثرہ خاتون کا کہنا ہے کہ وہ گھر میں اکیلی تھی، سسر نے سوتے ہوئے زیادتی کی کوشش کی، وہ پہلے بھی کئی مرتبہ زیادتی کی کوشش کر چکے ہیں۔

پولیس کا کہنا ہے کہ خاتون کا میڈیکل کروایا ہے جبکہ واقعے کا مقدمہ درج کرلیا گیا ہے، جبکہ فرار ملزمان کی تلاش جاری ہے۔