طلاق یافتہ ماں سے ملنے کی ضد پر باپ نے بیٹے کی کلہاڑی کے وار سے ٹانگ کاٹ دی

پنجاب کے علاقے جھنگ میں طلاق یافتہ ماں سے ملنے کی ضد پر باپ نے 12 سالہ بیٹے کی کلہاڑی کے وار سے ٹانگ کاٹ دی۔

افسوسناک واقعہ جھنگ کے علاقے موضع رتہ کلاں میں پیش آیا ہے، جہاں باپ نے اپنے بیٹے کی ٹانگ کلہاڑی سے کاٹ دی۔

پولیس کا کہنا ہے کہ لڑکے کو اسپتال منتقل کر دیا گیا، ملزم کو گرفتار کرکے مقدمہ درج کر لیا ہے۔

پولیس کا مزید کہنا ہے کہ 12 سالہ خرم شہزاد نے اپنی طلاق یافتہ والدہ سے ملنے کیلئے باپ سے ضد کی تھی، جس پر اس نے طیش میں آکر کلہاڑی کے وار سے ٹانگ کاٹ دی۔

بچے کی چیخ پکار پر علاقہ مکینوں نے شدید زخمی حالت میں اسے اسپتال منتقل کیا۔