ٹک ٹاکر بہن کو قاتلانہ حملے میں زخمی کرنے والا بھائی بیرون ملک فرار ہوتے وقت گرفتار

سماجی رابطے کی سائٹ ٹک ٹاک پر ویڈیو بنانے والی لڑکی پر قاتلانہ حملہ کرنے والا بھائی کی بیرون ملک فرار ہونے کی کوشش ناکام ہوگئی۔

پنجاب پولیس نے مشہور ٹک ٹاکر ثمینہ کو غیر کے نام پر حملہ کر کے زخمی کرنے والے اُسے کے بھائی کو بیرون ملک فرار ہونے سے قبل ایئرپورٹ سے ایف آئی اے کی مدد سے گرفتار کیا۔

ملزم سلطان نے اپنی بہن کو ٹک ٹاک بنانے سے روکا اور بات نہ ماننے پر غیرت میں آکر اُسے قتل کرنے کی کوشش کی، بہن کے زخمی ہونے کے بعد ملزم نے عمان فرار ہونے کی کوشش کی جو ناکام ہوگئی۔

پنجاب پولیس نے پی این آئی ایل میں ملزم کے کوائف شامل کروا رکھے تھے، جسے ایف آئی اے کی مدد سے فلائٹ میں سوار ہونے سے قبل گرفتار کر لیا گیا۔

پولیس کے مطابق واقعہ گزشتہ ماہ قلعہ دیدار سنگھ کے علاقے میں پیش آیا تھا، جس کا مقدمہ بھی درج ہے، واقعے کے بعد سے ملزم روپوش تھا۔