ٹیوشن ٹیچر کی دوسری جماعت کی ننھی طالبہ سے زیادتی

پنجاب کے علاقے ننکانہ صاحب میں سفاک ٹیچر نے دوسری جماعت کی ننھی طالبہ کو زیادتی کا نشانہ بنا ڈالا۔

تفصیلات کے مطابق ننکانہ صاحب کے علاقے موڑ کھنڈا میں تھانہ مانگٹانوالہ میں ٹیوشن ٹیچر نے گھر پر پڑھنے کیلیے آنے والی دوسری جماعت کی ننھی طالبہ کے ساتھ زیادتی کی۔

بچی ٹیوشن سے گھر پہنچی تو اُس کی حالت تشویشناک تھی جس پر والدین اُسے اسپتال لے کر پہنچے جبکہ بچی نے بھی اپنے ساتھ پیش آئے واقعے سے متعلق والدین کو بتایا۔

ڈاکٹرز نے ابتدائی معائنے کے بعد زیادتی کی تصدیق کی جس پر والدین نے پولیس کو آگاہ کیا اور بتایا کہ جاوید نامی ٹیوشن ٹیچر نے بچی کے ساتھ زیادتی کی ہے۔

پولیس نے والدین کی شکایت پر ملزم کو گرفتار کر کے تفتیش شروع کردی تاہم مزید قانونی کارروائی میڈیکل رپورٹ آنے کے بعد عمل میں لائی جائے گی۔