بابر اعظم ورلڈ کلاس کھلاڑی ہیں، جلد آؤٹ کرنے کی کوشش کروں گا، حارث رؤف

 میلبور ن: میلبورن اسٹارز کے پاکستانی کھلاڑی حارث رؤف نے کہا ہے کہ بابر اعظم ورلڈ کلاس کھلاڑی ہیں، جلد آؤٹ کرنے کی کوشش کروں گا۔

میڈیا سے گفتگو کرتے ہوئے انہوں نے کہا کہ بابر اعظم اور محمد رضوان کے خلاف بولنگ کرانا ہمیشہ اچھا لگتا ہے۔

حارث رؤف نے کہا کہ بگ بیش میں پاکستانی کھلاڑی ٹاپ کیٹیگری میں شامل ہوئے ہیں، ایشیا میں شائقین کرکٹ بگ بیش کے لیے کافی پْرجوش ہیں۔

انہوں نے کہا کہ آسٹریلین کنڈیشنرز میں بولنگ کروانا چیلنجنگ ہے، کسی کھلاڑی کو بگ بیش میں کھیلنے کے لیے تجویز نہیں دی۔

انہوںنے کہاکہ بگ بیش میں پہلی بار اتنے زیادہ پاکستانی کھلاڑی ایک ساتھ نظر آرہے ہیں، بگ بیش پاکستانی کھلاڑیوں کے لیے سیکھنے کا موقع ہے۔

انہوںنے کہاکہ میلبورن اسٹارز کو فالو کرتا ہوں، اس سال جیتنے کی کوشش کریں گے، میلبورن اسٹارز کے لیے بگ بیش کے لیے مکمل دستیاب ہوں۔