بھارت کے معروف کرکٹر کا ریٹائرمنٹ کا اعلان

رواں ہفتے متعدد اسٹار کرکٹرز کی جانب سے انٹر نیشنل کرکٹ سے ریٹائرمنٹ لینے کا فیصلہ کیا گیا، ایسے میں بھارت کے اسٹار اسپنر روی چندرن ایشون نے نے بھی انٹرنیشنل کرکٹ سے ریٹائرمنٹ کا اعلان کر دیا۔

روی چندرن ایشون نے کپتان روہت شرما کے ساتھ برسبین میں آسٹریلیا کے خلاف  تیسرے ٹیسٹ میچ کے اختتام پر پریس کانفرس میں اپنی ریٹائرمنٹ کا اعلان کیا۔

روی چندرن ایشون کا اس موقع پر کہنا تھا کہ کرکٹ کے اس سفر میں جس نے بھی ساتھ دیا خصوصی طور پر بی سی سی آئی، ویرات کوہلی، روہت شرما، اجنکیا رہانے اور چتیشور پجارا ان سب کاشکر گزار ہوں۔

اسپنر نے کہا کہ تمام فارمیٹس میں بطور کرکٹر میرا آخری دن تھا، اپنے کیرئیر کے دوران بہت انجوائے کیا، کئی یادگار لمحے ہیں اور  ریٹائرمنٹ کا یہ لمحہ کافی جذباتی ہے۔

دوسری جانب بھارتی کرکٹ بورڈ نے بھی  ایشون کو ریٹائرمنٹ پر خراج تحسین پیش کیا ہے۔