مکیش امبانی بھارت کو چلاتے ہیں؟میانداد نے راز فاش کردیا

قومی ٹیم کے سابق کپتان لیجنڈری جاوید میاں داد نے بھارت کی معیشت کے حوالے سے اہم راز فاش کردیا۔ 

قومی ٹیم کے سابق کپتان جاوید میانداد ایک نجی پوڈ کاسٹ انٹرویو میں شریک ہوئے،جہاں انہوں نے کچھ حیران کن انکشافات کئے۔ 

جاوید میانداد نے اس انٹرویو میں کرکٹ سے جڑی پروفیشنل شخصیات سمیت ان کی نجی زندگی کے حوالے سے بھی سیر حاصل گفتگو کی۔ 

میزبان نے ایک موقع پر سوال کیا کہ کیا واقعی بھارت میں امبانی، ٹاٹا، برلا اپنے ملک کو چلاتے ہیں؟

اس سوال کا جواب ہاں میں دیتے ہوئے جاوید میانداد نے کہا کہ بھارت کو بڑے بڑے بزنس مین ہی معاشی طور پر چلاتے ہیں۔ 

بڑا بزنس مین جس بھی ریاست سے تعلق رکھتا ہے وہاں وہ دل کھول کر سرمایہ کاری کرتا ہے، تب ہی ان کا ملک چلتا ہے۔انہوں نے کہا کہ ہم تو بھارت میں کھیل کر آ چکے ہیں۔

یاد رہے کہ بھارت کی کئی معروف کاروباری شخصیات دنیا اور ایشیا کی امیر ترین شخصیات کی فہرست میں شامل ہیں۔