ڈاکٹر یاسمین راشد کا ارشد ندیم کیلیے پیغام، نیک خواہشات کا اظہار

پاکستان تحریک انصاف کی رہنما اور سابق صوبائی وزیر ڈاکٹر یاسمین راشد نے ارشد ندیم کو مبارک باد دی ہے۔

یاسمین راشد نے ارشد ندیم کی کامیابی پر ردعمل دیتے ہوئے انہیں شاباش دی اور کہا کہ ’آپ نے ورلڈ ریکارڈ بناکر گولڈ میڈل جیتا، یہ جیت ہوا کا تازہ جھونکا ہے ہر پاکستانی کو آپ پر فخر ہے۔

انہوں نے دعا دی کہ آپ مسلسل گولڈ میڈلز جیتے رہو، اللہ تعالیٰ ارشد ندیم کو دنیا بھر کی خوشیوں سے نوازے۔

واضح رہے کہ پیرس اولمپکس میں پاکستانی ایتھلیٹ ارشد ندیم نے جیولین تھرو پھینک کر ایک نیا ریکارڈ بنایا جبکہ گولڈ میڈل بھی اپنے نام کیا تھا۔