نوجوان فاسٹ بولرز نے 71 سالہ پاکستانی ٹیسٹ کرکٹ کی تاریخ بدل دی

پرتھ ٹیسٹ میں آسٹریلیا کیخلاف ڈیبیو کرنے والے نوجوان فاسٹ بولرز عامر جمال اور خرم شہزاد نے 71 سالہ قومی کرکٹ کی تاریخ کا انوکھا ریکارڈ قائم کردیا۔

پرتھ میں جاری ٹیسٹ کے دوسرے روز آسٹریلیا کی ٹیم پر پاکستانی بولرز حاوی رہے اور کینگروز صرف  487 رنز بناکر آل آؤٹ ہوئی، میچ میں دونوں فاسٹ بولرز نے کُل 8 وکٹیں حاصل کیں۔

پاکستان کی 71 سالہ ٹیسٹ تاریخ میں یہ پہلا واقعہ ہے جہاں ڈیبیو کرنے والے بولرز نے ایک ہی اننگز میں مجموعی طور پر 8 وکٹیں حاصل کی ہوں۔

عامر جمال نے ڈیبیو پر 5 یا اس سے زائد وکٹیں لینے والے 14ویں پاکستانی کرکٹر بننے کا اعزاز بھی حاصل کیا۔

واضح رہے کہ دورہ آسٹریلیا کے دوران سال 1964 میں آخری بار عارف بٹ یہ کارنامہ انجام دیا تھا۔