پاکستان شاہینز ایشیا کپ رائزنگ اسٹار کا چیمپئن بن گیا

  پاکستان شاہینز نے بنگلادیش اے کو فائنل میں شکست دیکر ایشیا کپ رائزنگ اسٹارز ٹی ٹوئنٹی کا ٹائٹل اپنے نام کرلیا۔

مقررہ 20 اوورز میں مقابلہ برابر ہونے کے بعد سپر اوور میں میچ کا فیصلہ ہوا۔ دونوں ٹیموں نے 20، 20 اوور میں 125، 125 رنز بنائے تھے جس کے بعد میچ کا فیصلہ سپر اوور میں ہوا۔

 پاکستان نے سپر اوور میں 7 رنز کا ہدف چار گیندوں پر حاصل کرلیا۔سپر اوور میں بنگلا دیش کی ٹیم 6 رنز بناکر آؤٹ ہوگئی تھی۔

پاکستان شاہینز کے 125رنز کے جواب میں بنگلادیش اے 9 وکٹوں کے نقصان پر 125 رنز بناسکی تھی۔اس سے قبل پاکستان شاہینز پہلے کھیلتے ہوئے مقررہ 20 اوورز میں 125 رنز بناکر آؤٹ ہوگئی تھی۔