پاکستانی ٹیم کی نیوز ی لینڈ سے قوم کو عید کی مبارکباد

پاکستان کرکٹ ٹیم نیوزی لینڈ میں موجود ہے، ٹیم کی جانب سے عید کے موقع پر نیک خواہشات کا اظہار کیا گیا ہے۔

قومی کرکٹ ٹیم نے عید الفطر کی نماز ہملٹن میں ادا کی،  اس موقع پر کھلاڑیوں نے ایک دوسرے کو بھی مبارک باد دی۔

اس موقع پر فینز نے قومی ٹیم کے کھلاڑیوں کے ساتھ تصاویر بھی بنوائیں۔

قوم کو مبارک باد دیتے ہوئے کرکٹرز کا کہنا تھا کہ خود بھی عید منائیں اور دوسروں کو بھی عید کی خوشیوں میں شامل کریں،اپنا اور دوسروں کا خیال رکھیں۔

واضح رہے کہ میزبان نیوزی لینڈ کو 3 ون ڈے میچز کی سیریز میں ایک صفر کی برتری حاصل ہے۔