پی سی بی نے بنگلادیش کے میچزکی میزبانی میں دلچسپی ظاہر کردی

  لاہور:انٹرنیشنل کرکٹ کونسل (آئی سی سی) ٹی ٹوئنٹی ورلڈ کپ کے لیے بنگلا دیش ٹیم کے بھارت نہ جانے کے معاملے پر پاکستان کرکٹ بورڈ نے بنگلا دیش کے میچزکی میزبانی میں دلچسپی ظاہر کردی۔

ذرائع پی سی بی کے مطابق سری لنکا کے وینیوز دستیاب نہیں تو پاکستان کے وینیوز حاضر ہیں، چیمپئنز ٹرافی اورآئی سی سی ویمن کوالیفائر پاکستان میں ہوچکے ہیں، ورلڈ کپ میچز بھی آسانی سے کرا سکتے ہیں۔

پی سی بی ذرائع کے مطابق پاکستان کے تمام وینیوز ٹی ٹوئنٹی ورلڈ کپ کے میچز کرانے کے لیے تیار ہیں۔واضح رہے کہ بنگلا دیش نے ورلڈکپ کے میچز کے لیے بھارت نہ جانے کا فیصلہ کیا ہوا ہے۔

 بنگلادیش کرکٹ بورڈ نے بھارت میں ٹیم کی سکیورٹی پر تحفظات کا اظہارکیا ہے۔ تاہم آئی سی سی نے بنگلادیش کے میچز کی منتقلی کرنے یا نہ کرنے کے حوالے سے حتمی فیصلہ کرنا ہے۔