رضوان کے شارٹ پر موبائل ٹوٹنے پر نسیم شاہ کا ردعمل

نیوزی لینڈ کے خلاف وائٹ بال سیریز کے دوران پاکستانی کرکٹ ٹیم کے کیمپ میں ایک دلچسپ واقعہ پیش آیا، جب وکٹ کیپر محمد رضوان کے شاٹ نے فاسٹ بولر نسیم شاہ کا موبائل فون توڑ دیا۔  

سوشل میڈیا پر وائرل ہونے والی ایک ویڈیو میں دیکھا جا سکتا ہے کہ پریکٹس سیشن کے دوران محمد رضوان نے ایک شاٹ کھیلا، جو براہ راست کھلاڑیوں کے کِٹ اور سامان رکھنے والی جگہ پر جا لگا۔ بدقسمتی سے، یہ شاٹ نسیم شاہ کے بیگ پر لگا، جس سے ان کا موبائل فون ٹوٹ گیا۔  

نسیم شاہ نے فوری طور پر اپنے ٹوٹے ہوئے موبائل کی طرف دیکھا اور کپتان کے شاٹ پر ناراضگی کا اظہار کیا۔ انہوں نے رضوان کو اشارہ کرکے بتایا کہ ان کے شاٹ نے موبائل فون توڑ دیا ہے۔ یہ ویڈیو سوشل میڈیا پر تیزی سے وائرل ہو رہی ہے۔  

واضح رہے کہ پاکستانی کرکٹ ٹیم نیوزی لینڈ میں 5 میچوں کی ٹی20 سیریز کھیل رہی ہے۔ اب تک سیریز کے 3 میچ کھیلے جا چکے ہیں، جن میں سے 2 نیوزی لینڈ نے جیتے ہیں جبکہ ایک میچ پاکستان کے نام رہا ہے۔ سیریز کے بقیہ دو میچ 23 مارچ اور 26 مارچ کو کھیلے جائیں گے۔  

یہ واقعہ ٹیم کے اندرونی ماحول کی ہلکی پھلکی جھلک پیش کرتا ہے، جس سے کھلاڑیوں کے درمیان دوستانہ تعلقات کا اندازہ ہوتا ہے۔