سری لنکن کرکٹ ٹیم کے کھلاڑیوں کا دورہ ادھورا چھوڑ کر واپس جانے کا ارادہ

لاہور: ون ڈے سیریز کے لئے دورہ پاکستان پر موجود سری لنکن کرکٹ ٹیم کے کھلاڑی دورہ  ادھورا چھوڑ کر واپس جانے کا ارادہ سامنے آیا ہے۔

سری لنکن کرکٹ ٹیم کے مینجر کے مطابق سری لنکن کرکٹ ٹیم کے کھلاڑی واپس جانا چاہتے ہیں۔

دوسری جانب ذرائع کا کہنا ہے کہ چیئرمین کرکٹ بورڈ و وزیرداخلہ کچھ دیر بعد سری لنکن ٹیم سے ملاقات کریں گے۔

ذرائع کے مطابق  ملاقات میں سری لنکن کرکٹ ٹیم کو سکیورٹی پر بریفنگ دی جائیگی۔

واضح رہے کہ سری لنکن کرکٹ ٹیم نے آج کا پریکٹس سیشن بھی منسوخ کر دیا تھا۔

پاکستان ٹیم نے آج آرام کا فیصلہ کیا تھا جس کے بعد سری لنکا کرکٹ ٹیم نے بھی شام میں شیڈول پریکٹس سیشن ملتوی کردیا تھا۔

واضح رہے کہ سری لنکا کو پاکستان کے خلاف سیریز کے بقیہ 2 ون ڈے میچز اور پھر پاکستان میں سہ ملکی سیریز کھیلنی ہے۔

دونوں ٹیموں کے درمیان دوسرا ون ڈے کل راولپنڈی میں شیڈول ہے۔