ویلڈن پاکستان !

پاکستان نے انگلینڈ کے خلاف ٹیسٹ سیریز اپنے نام کر کے ہوم گراؤنڈ پر تین سال بعد سیریز میں فتح حاصل کرنے کا اعزاز حاصل کرلیا۔

تفصیلات کے مطابق راولپنڈی اسٹیڈیم میں جاری سیریز کے دوسرے ٹیسٹ میں پاکستان نے انگلینڈ کو 9 وکٹوں سے شکست دے کر سیریز 2 – ایک سے اپنے نام کرلی۔

اس سے قبل پاکستان نے ہوم گراؤنڈ پر 2021 میں جنوبی افریقا کے خلاف ٹیسٹ سیریز جیتی تھی۔

اس کے بعد قومی ٹیم کو 2022 میں آسٹریلیا، انگلینڈ اور 2024 میں بنگلادیش سے ہوم گراؤنڈ پر بدترین شکستوں کا سامنا کرنا پڑا۔ انگلینڈ کیخلاف پاکستان نے 19 سال قبل 2005 میں انضمام الحق کی قیادت میں 0-2 سے شکست دی تھی تاہم یواے ای میں 16-2015 میں 3 ٹیسٹ کی سیریز میں گرین شرٹس انگلش شیروں کو ہرانے میں کامیاب رہے تھے۔

خیال رہے کہ شان مسعود کی کپتانی میں پاکستان ابتدائی 6 ٹیسٹ میچز میں شکست کا سامنا رہا جس کی بنیاد پر انہیں تاریخ کا بدترین پاکستانی کپتان کا اعزاز بھی ملا ہے۔