عافیہ صدیقی کی رہائی سے متعلق پاکستان کے خط پر امریکا کا جواب دینے سے گریز

امریکی محکمہ خارجہ نے ڈاکٹر عافیہ صدیقی کی رہائی کے حوالے سے حکومت پاکستان کے خط پر جواب دینے سے انکار کردیا۔

وائٹ ہاؤس میں پریس بریفنگ کے دوران امریکی محکمہ خارجہ کے نائب ترجمان ویدانت پٹیل سے صحافی نے ڈاکٹر عافیہ صدیقی کی رہائی کے حوالے سے سوال کیا۔

نائب وزیر خارجہ نے کہا کہ میں نجی سفارتی رابطوں پر بات نہیں کرسکتا، اس حوالے سے معلومات کیلیے محکمہ انصاف سے رجوع کیا جاسکتا ہے۔

ویدانت نے کہا کہ امریکا پاکستان سمیت دنیا بھر میں توہینِ مذہب کے قوانین کی یکساں مخالفت کرتا ہے اور سمجھتا ہے کہ ایسے قوانین اظہار رائے کی آزادی، مذہب یا عقیدے کی آزادی سمیت انسانی حقوق، بنیادی آزادیوں کے استعمال کو خطرے میں ڈال سکتے ہیں۔