برطانیہ جانے کے خواہش مندوں کیلیے بری خبر

برطانوی حکومت نے ورک ویزا کے تمام درخواست دہندگان کے لیے انگریزی زبان کی شرائط کو مزید سخت کرنے کا اعلان کیا ہے۔

حکومت کا کہنا ہے کہ اس نئے اقدام کا مقصد برطانیہ آنے والے افراد کی انگریزی زبان میں مہارت کو یقینی بنانا ہے، تاکہ وہ برطانوی سماجی اور معاشی نظام میں بہتر طور پر شامل ہو سکیں۔

اہم بات یہ ہے کہ اب یہ سخت شرط ان افراد پر بھی لاگو ہو گی جو پہلے سے ویزا رکھنے والوں کے بالغ زیر کفالت افراد کے طور پر برطانیہ آنے کے خواہشمند ہیں۔

برطانوی وزیراعظم نے کہا کہ حکومت نیٹ مائیگریشن کو "نمایاں طور پر" کم کرنے کے لیے پرعزم ہے، اگرچہ انہوں نے کوئی مخصوص عددی ہدف مقرر نہیں کیا۔ انہوں نے ماضی میں ایسی حد بندیوں کے غیر مؤثر ہونے کی بھی وضاحت کی۔

کنزرویٹو پارٹی کے مطابق، مستقبل میں ارکان پارلیمنٹ ہر سال پارلیمنٹ میں ووٹنگ کے ذریعے امیگریشن کی سالانہ حد کا تعین کریں گے، جس سے شفافیت اور جمہوری عمل کو فروغ ملے گا۔