افغانستان میں سرکاری ملازمین پر پانچ وقت نماز باجماعت ادا کرنے کا حکم، چھوڑنے پر سزا ہوگی

افغانستان میں امارات اسلامیہ کی حکومت نے سرکاری ملازمین کیلیے پانچ وقت کی نماز باجماعت لازمی قرار دے دی۔

افغان طالبان کے رہنما ہیبت اللہ اخوندزادہ کی جانب سے جاری فرمان میں سرکاری ملازمین کو ہدایت کی گئی ہے کہ وہ پانچ وقت باجماعت نماز ادا کریں۔

سرکاری ملازمین کو ہدایت کی گئی ہے کہ وہ مساجد میں جاکر باجماعت پانچ وقت کی نماز ادا کریں اور بغیر کسی عذر کے نماز ادا نہ کرنے والوں کو سخت سزا دی جائے گی۔

افغان میڈیا کا کہنا ہےکہ ہیبت اللہ اخوندزادہ نے متعلقہ وزارت کو فقہ حنفی کے مطابق سزاؤں کے نفاذ کی ہدایت کی ہے۔