فرانس کا لبنان میں اسرائیلی فوج کی موجودگی پر اعتراض سامنے آگیا

فرانس نے لبنان کے اندر اسرائیلی فوج کی مسلسل موجودگی پر تنقید کرتے ہوئے کہا ہے کہ لبنانی علاقوں میں فوجی دستے برقرار رکھنے کا کوئی جواز نہیں بنتا۔

فرانسیسی وزیر خارجہ نے اپنے بیان میں کہا کہ لبنان کی سرزمین کے اندر اسرائیلی افواج کی موجودگی تشویش کا باعث ہے اور اس کی حمایت نہیں کی جا سکتی۔

یہ بیان ایسے وقت میں سامنے آیا ہے جب اسرائیل نے تقریباً دو دہائیوں کے دوران لبنان میں اپنی سب سے گہری فوجی کارروائی کی ہے، جس کے بعد خطے میں کشیدگی مزید بڑھنے کے خدشات ظاہر کیے جا رہے ہیں۔

مبصرین کے مطابق حالیہ پیش رفت نے مشرق وسطیٰ میں وسیع تر تنازع کے امکانات کے حوالے سے بھی نئی تشویش پیدا کر دی ہے۔