غزہ: اسرائیلی فوج کی بربریت جاری، مزید 90 سے زائد فلسطینی شہید

غزہ میں اسرائیلی فوج کے مظالم کا سلسلہ جاری ہے، گزشتہ 24 گھنٹوں میں مزید 90 سے زائد فلسطینی شہید ہوگئے۔

غیر ملکی ذرائع ابلاغ کے مطابق غزہ سے فلسطینی وزارت صحت کا کہنا ہے کہ ان حملوں میں 130 سے زائد افراد زخمی بھی ہوئے ہیں۔

7 اکتوبر سے اب تک فلسطینی شہدا کی تعداد 31 ہزار 645 سے زائد ہوگئی۔

فلسطینی وزارت صحت کا اس حوالے سے کہنا ہے کہ اسرائیلی حملوں سے اب تک 73 ہزار 676 فلسطینی زخمی ہوئے ہیں۔