غزہ میں امدادی سامان اور ایندھن کی شدید قلت پیدا ہوگئی

تل ابیب : اسرائیلی حملوں کے باعث غزہ میں امدادی سامان اور ایندھن کی شدید قلت صورتحال ہے۔

اقوام متحدہ امدادی ایجنسی نے رفح میں خوراک کی فراہمی روک دی۔غیرملکی خبررساں ادارے کے مطابق اسرائیلی فوج نے شمالی غزہ کے کمال عدوان اسپتال کامحاصرہ کرلیا۔

 اس کے علاوہ اسرائیلی ٹینکوں نے اسپتال کی ایمرجنسی کے دروازے پرگولہ باری کی، اسپتال سے عملے، مریضوں اور زخمیوں کو انخلا کا حکم دیا گیا ہے۔

یاد رہے کہ اسرائیل پچھلے 8 ماہ سے غزہ میں اپنی وحشیانہ کارروائیاں جاری رکھے ہوئے ہے مگر وہ اب تک فلسطینی مزاحمتی تنظیم حماس کو شکست دینے میں ناکام رہا ہے ۔

جس کے بعد اب اسرائیل کے اندر سے نیتن یاہو حکومت کی جنگی حکمت عملی پر سوالات اٹھائے جارہے ہیں جب کہ اسرائیل کو غزہ کے عام شہریوں پر حملے کرنے کی وجہ سے عالمی دبا کا سامنا بھی کرنا پڑ رہا ہے۔

7 اکتوبر 2023 سے اب تک غزہ پر اسرائیل کے سفاکانہ حملوں کے نتیجے میں کم از کم 35 ہزار 400 سے زائد افراد شہید اور 79 ہزار سے زائد زخمی ہو چکے ہیں جب کہ اقوام متحدہ کے مطابق رفح سے انخلا کرنیوالے فلسطینیوں کی تعداد اب 8لاکھ تک پہنچ گئی ہے۔