حماس ایک نظریہ ہے جسے ختم کرنا ناممکن ہے، اسرائیلی فوج کے اعلی افسر کا اعتراف

اسرائیل کے چیف فوجی ترجمان نے اعتراف کیا ہے کہ حماس کو ختم نہیں کیا جا سکتا کیونکہ وہ جماعت یا گروہ نہیں بلکہ نظریہ ہے۔ 

واضح رہے کہ 7 اکتوبر کو حماس کے اسرائیل پر غیر معمولی حملے کے نتیجے میں آٹھ ماہ سے زائد عرصے تک جاری رہنے والے تنازعے کے باوجود اسرائیل نے غزہ کو 80 فیصد تباہ کرنے کے بعد یہاں قبضہ کررکھا ہے جبکہ اس دورانیے میں 37 ہزار سے زائد فلسطینی شہید ہوچکے ہیں۔

فوجی ترجمان کے چیف نے کہا کہ حماس کو ختم کرنے کا دعوی گمراہ کن ہے اور ایسا ممکن بھی نہیں کیونکہ وہ ایک نظریہ ہے جو برقرار رہے گا۔

ریئر ایڈمرل ڈینیئل ہگاری نے کہا کہ حماس کو ختم نہیں بلکہ اس کے متبادل کے طور پر ایک اور گروپ لایا جاسکتا ہے، حماس کو مکمل طور پر ختم اس لیے نہیں کیا جاسکتا ہے کہ وہ ایک نظریے کی نمائندگی کرنے والی تنظیم ہے اور میں سمجھتا ہوں کہ نظریات کو حتم نہیں کیا جاسکتا۔

فوجی ترجمان کے چیف کے بیان پر اسرائیلی وزیراعظم بنجمن نیتن یاہو کے دفتر نے جواب دیا اور ایک بار پھر حماس کے خاتمے کے عزم کا اعادہ کیا۔

وزیراعظم ہاؤس کی جانب سے جاری اعلامیے میں کہا گیا ہے کہ ’’نیتن یاہو کی قیادت میں سیاسی اور سیکیورٹی کابینہ نے حماس کی عسکری اور حکومتی صلاحیتوں کو تباہ کر کے مسلح گروہ کو سکھیڑ دیا گیا ہے۔