حتمی معاہدہ پسند نہ آیا تو دوبارہ بمباری کرسکتے ہیں، ٹرمپ

امریکی صدر ٹرمپ نے کہا ہے کہ ایران کے ساتھ معاہدے کے بعد آبنائے ہرمز مکمل کھل جائے گی، معاہدہ حتمی نہیں اور اگر یہ پسند نہ آیا تو دوبارہ بمباری ہوسکتی ہے۔

جی سیون اجلاس کے موقع پر مصری صدر السیسی سے ملاقات کے بعد گفتگو کرتے ہوئے امریکی صدر کا کہنا تھا کہ ڈیل کے بعد اسٹاک مارکیٹس بلندیوں پر ہیں، تیل کی قیمتیں کم ہوگئی ہیں۔

ٹرمپ کے مطابق ایران کے ساتھ ڈیل کے مثبت اثرات سامنے آرہے ہیں اور اگر ڈیل نہ ہوتی تو پوری دنیا معاشی دباؤ کا شکار ہوتی۔