امریکا نے غزہ میں جنگ بندی کی قرارداد چوتھی مرتبہ ویٹو کردی

امریکا نے نئے صدر کے انتخاب کے بعد اقوام متحدہ کی سلامتی کونسل میں غزہ جنگ بندی سے متعلق قرارداد ویٹو کردی۔

بین الاقوامی میڈیا رپورٹ کے مطابق سلامتی کونسل کے اجلاس میں دس منتخب ممالک نے غزہ میں جنگ بندی کی قرارداد پیش کی جس میں غزہ میں فوری، غیر مشروط اور مستقل جنگ بندی کا مطالبہ کیا گیا تھا۔

اس قرارداد کے حق میں دس منتخب ممالک کے علاوہ چار مستقبل ممالک نے بھی ووٹ دیے مگر امریکا نے اپنے اختیارات استعمال کرتے ہوئے اسے ویٹو کردیا۔

واضح رہے کہ 7 اکتوبر 2023 کے بعد سے غزہ میں جاری اسرائیلی بربریت کے خلاف تین بار جنگ بندی کی قراردادوں کو امریکا اپنے اختیارات استعمال کرتے ہوئے ویٹو کرچکا ہے۔