امریکا نے روس پر پابندیوں کا دائرہ بڑھا دیا

واشنگٹن : امریکا نے روس پر پابندیوں کا دائرہ بڑھا دیا، روس کو سیمی کنڈکٹرز بیچنے والی چین میں قائم کمپنیوں پر پابندی عائد کر دی۔

اس سے سائنٹیفک، دفاعی، مالیاتی اور انرجی کے شعبے پابندیوں کی زد میں آ گئے۔

غیرملکی خبررساں ادارے کے مطابق امریکی محکمہ خزانہ کی جانب سے روسی شہریوں کو سوفٹ ویئر اور آئی ٹی سروسز دینے پر پابندی عائد کی گئی ہے۔

اس پابندی سے روسی فوج سے جڑے غیر ملکی مالیتی ادارے زد میں آئیں گے، ایشیا، یورپ اور افریقہ میں 300 سے زائد افراد اور ادارے اس کا ہدف ہیں۔

اس سلسلے میں روس کو امریکی اشیا بیچنے پر بھی پابندی لگائی جائے گی۔امریکا کی جانب سے اس ضمن میں روس کے مالیاتی اداروں سے لین دین کرنے والے بینکوں کو وارننگ دی گئی ہے۔