امریکا یوکرین معدنی معاہدے سے ہمارا کوئی لینا دینا نہیں، پیوٹن

ماسکو: روسی صدر ولادیمیر پیوٹن نے کہا ہے کہ امریکا یوکرین معدنی معاہدے سے ہمارا کوئی لینا دینا نہیں۔

میڈیارپورٹس کے مطابق ماسکو میں صحافیوں سے گفتگو میں روسی صدر نے کہا کہ معدنی وسائل پر تعاون سے متعلق امریکا کے ساتھ کام کرنے کو تیار ہیں۔

انہوں نے کہا کہ امریکا کے سرکاری و نجی اداروں کو مشترکہ کام کرنے کی پیشکش کے لیے تیار ہیں، صدر ٹرمپ کا موقف روس کے مفاد میں نہیں بلکہ یوکرین کے مفاد میں ہے۔

ولادیمیر پیوٹن کا مزید کہنا تھا کہ یوکرین سے متعلق مذاکرات میں یورپی یونین کی شرکت میں بظاہرحرج نہیں۔