انڈونیشیا میں 6.7 شدت کا زلزلہ

انڈونیشیا کے جزیرے سولاویسی میں 6.7 شدت کا زلزلہ ریکارڈ کیا گیا ہے، تاہم سونامی کا کوئی خطرہ نہیں۔

رپورٹس کے مطابق انڈونیشیا کے محکمہ موسمیات کے مطابق زلزلہ 10 کلومیٹر گہرائی میں آیا، جبکہ اس کا مرکز پالو شہر سے تقریبا 42 کلومیٹر جنوب مشرق میں تھا۔

حکام کے مطابق زلزلے کے بعد سونامی کا کوئی خطرہ نہیں ہے، تاہم متاثرہ علاقوں میں نقصانات اور ممکنہ جانی نقصان کا جائزہ لینے کا عمل جاری ہے۔