نئی دہلی میں اسرائیلی سفارت خانے کے قریب زور دار دھماکا، علاقہ گونج اٹھا

بھارتی دارالحکومت نئی دہلی میں قائم اسرائیلی سفارت خانے کے قریب دھماکا ہوا جس سے پورا علاقہ گونج اٹھا۔

بھارتی میڈیا رپورٹ منگل کو شام کے وقت پولیس کو دھماکے کے حوالے سے اطلاع موصول ہوئی جس کے بعد فائر بریگیڈ حکام کو وقوعہ پر روانہ کیا گیا۔

پولیس نے دھماکے کی تصدیق کرتے ہوئے بتایا کہ واقعہ اسرائیلی سفارت خانے کے قریب پیش آیا ہے تاہم بم ڈسپوزل اسکواڈ اور سیکیورٹی ٹیموں کو تلاشی کے دوران کوئی مشتبہ چیز نہیں ملی۔

پولیس کا کہنا ہے کہ ہنگامی حالات نافذ کر کے علاقے کو سیل کردیا گیا ہے جبکہ دھماکے سے متعلق تحقیقات بھی جاری ہیں۔

اُدھر اسرائیلی وزارت خارجہ نے نئی دہلی میں قائم سفارت خانے کے قریب دھماکے کی تصدیق کرتے ہوئے بتایا کہ ’واقعہ پانچ بج کر بیس منٹ پر پیش آیا اور تمام عملہ و ارکان بالکل محفوظ ہے۔

اسرائیلی وزارت خارجہ کا کہنا ہے کہ واقعہ کے حوالے سے تحقیقات کے لیے بھارتی حکام سے رابطے میں ہیں۔