پہلگام معاملہ، بھارتی حکومت نے ناردرن کمانڈر کو برطرف کردیا

پہلگام ناکام فالس فلیگ آپریشن کا سارا ملبہ مودی سرکار نے بھارتی فوج کے ناردرن کمانڈ کے سربراہ پر ڈال کر خود کو پتلی گلی سے نکال لیا۔

پہلگام کال فلیگ آپریشن کی ناکامی پر بوکھلاہٹ کی شکار مودی حکومت نے بھارتی فوج کے ناردرن کمانڈ کے سربراہ لیفٹیننٹ جنرل ایم وی ایس کمار کی نوکری سے فارغ کردیا۔

لیفٹیننٹ جنرل ایم وی ایس کمار کی جگہ لیفٹیننٹ جنرل پراتک شرما کو انڈین آرمی کی ناردرن کمانڈ کا چارج دیدیا گیا۔

بھارتی حکومت نے انٹیلیجنس اور سیکیورٹی ناکامی کا سارا ملبہ لیفٹیننٹ جنرل کمار پر ڈال دیا۔

واضح رہے کہ مقبوضہ کشمیر میں 7 لاکھ فوج، پیراملٹری ٹروپس، پولیس اور انٹیلیجنس ایجنسیز کے ہوتے ہوئے پہلگام حملہ روکنے میں ناکام رہے۔

ذرائع کا کہنا ہے کہ لیفٹیننٹ جنرل ایم وی ایس کمار نے پہلگام آپریشن کے بعد فوری طور پر پاکستان کے خلاف مہم جوئی سے انکار کر دیا تھا۔ مودی سرکار کا منصوبہ لیفٹیننٹ جنرل ایم وی ایس کمار کی طرف سے انکار پر خاک میں مل گیا۔