پاک فوج کی کارروائی کے بعد بھارت میں صف ماتم، ہر طرف تباہی

پاکستانی فوج نے بھارتی جارحیت کا دندان شکن جواب دیا، ادھم پور ائیر بیس سمیت متعدد اہداف تباہ کردیے۔

تفصیلات کے مطابق 6 اور 7 مئی کی درمیانی شب بھارت نے پاکستان اور آزاد کشمیر کے 5 مختلف مقامات پر فضائی حملے کیے، جس کا پاکستانی افواج نے فوری اور شدید جوابی کارروائی سے نوٹس لیا۔

بھارت کی جانب سے بار بار کی جانے والی جارحیت کے باوجود پاکستان نے اپنے دفاعی نظام کی مضبوطی ثابت کرتے ہوئے دشمن کے تمام میزائل اور ڈرون حملوں کو ناکام بنا دیا۔  

جوابی کارروائی میں پاکستانی فوج نے بھارت کے ادھم پور، آدم پور اور پٹھان کوٹ ائیر بیسز سمیت کئی اہم فوجی اڈوں کو نشانہ بنایا، جس کے نتیجے میں بھارتی فضائیہ کو بھاری نقصان پہنچا۔

اس کے علاوہ، پاکستان نے سائبر وارفیئر کے ذریعے مہاراشٹر کی بجلی کی گرڈ کو مکمل طور پر معطل کر دیا اور بھارت کے ملٹری سیٹلائٹ سسٹم کو بھی بے اثر بنا دیا۔  

خاص بات یہ ہے کہ پاکستانی ڈرونز نے گجرات میں نریندر مودی کی زیر قیادت ریاست کے فضائی حدود میں کئی گھنٹوں تک پروازیں کیں، جس سے بھارتی دفاعی نظام کی کمزوری واضح ہوئی۔ مزید برآں، بھٹنڈا ائیر فیلڈ کو بھی پاکستانی فضائیہ نے تباہ کر دیا۔  

سوشل میڈیا پر ادھم پور ائیر بیس کی تباہی کی ویڈیوز وائرل ہو رہی ہیں، جبکہ بھارتی میڈیا اور دفاعی حکام نے بھی اس نقصان کا اعتراف کیا ہے۔ پاکستان نے ایک بار پھر ثابت کیا ہے کہ وہ کسی بھی جارحیت کا بھرپور جواب دینے کی صلاحیت رکھتا ہے۔

This is Udhampur Air Field in India. It’s a military target not civilian target. Pakistan totally destroyed this military installation in response of civilian casualties in Pakistan. pic.twitter.com/infjod7FTx

— Hamid Mir حامد میر (@HamidMirPAK) May 10, 2025