پاکستان ایئرفورس نے دنیا پر دھاگ بٹھا دی

لاہور: برطانیہ کے معتبر اخبار 'دی ٹیلی گراف' نے اپنی تازہ رپورٹ میں انکشاف کیا ہے کہ پاکستان نے متعدد بھارتی رافیل طیاروں کو نشانہ بناکر فوجی تاریخ کا نیا باب رقم کردیا ہے۔

بین الاقوامی دفاعی تجزیہ کاروں نے 'علاقائی کھیل کا رخ موڑ دینے والا واقعہ' قرار دیا ہے۔

پاکستان نے 'نظر نہ آنے والی اور خاموش ٹیکنالوجی' استعمال کرتے ہوئے بھارتی پائلٹوں کو بے خبری میں نشانہ بنایا، یہ کارروائی نہ صرف پاکستان کی فضائی برتری کا اعلان ہے بلکہ بھارت کے فرانسیسی ساختہ رافیل طیاروں پر اعتماد کو بھی متزلزل کر گئی۔

2019 کے بالاکوٹ ایئر اسٹرائیک کے بعد بھارت نے جدید طیاروں کی تعداد بڑھانے پر توجہ دی جبکہ چینی تعاون سے پاکستان نے اسٹیلتھ اور الیکٹرانک وارفیئر صلاحیتیں تیار کیں

وزیر اطلاعات عطاءاللہ تارڑ نے بدھ کو تصدیق کی کہ بھارتی طیارے امبالہ، برنالہ اور جموں کے علاقوں میں مار گرائے گئے۔ اگرچہ بھارتی حکام نے ابتدائی طور پر کسی نقصان سے انکار کیا تھا، لیکن رائٹرز سمیت متعدد ذرائع نے بھارتی کنٹرولڈ کشمیر میں تین طیاروں کے گرنے کی تصدیق کی ہے۔

یہ واقعہ جنوبی ایشیا کی فضائی طاقت کے توازن میں اہم تبدیلی کی نشاندہی کرتا ہے۔ پاکستان نے اسٹریٹجک فوجی ٹیکنالوجی میں اپنی برتری ثابت کردی ہے۔

بھارتی دفاعی منصوبہ ساز اس تکنیکی چھلانگ سے حیران رہ گئے۔ رپورٹ کے مطابق، پاکستان کی یہ کامیابی نہ صرف فوجی لحاظ سے اہم ہے بلکہ اس نے خطے کی طاقت کے توازن کو بھی نئے سرے سے متعین کر دیا ہے۔