پسپائی کے بعد مودی کا بھارتی قوم سے مایوس کن خطاب

پاکستان سے منہ کی کھانے کے بعد بھارتی قوم سے خطاب میں بھارتی وزیر اعظم مودی شکست خوردہ، مایوس اور تھکے ہوئے نظر آئے۔

ملک بھر میں بھارتی وزیراعظم کا یہ خطاب براہ راست دکھایا گیا لیکن یہ خطاب سننے کے بعد بھارتی قوم اور افواج کے مورال مزید ڈاؤن ہوگئے۔

اپنی قوم کے سامنے مودی اس خطاب میں جیت کا جھوٹا ناٹک بھی نہ کرسکے کیوں سوشل میڈیا اور عالمی صحافیوں نے پہلے بھارتی فوج کے جھوٹے دعووں کی قلعی کھول دی تھی۔

مودی کے پاس اپنی قوم کو مطمئن کرنے کے لیے کوئی ٹھوس شواہد اور کامیابی ایک ادنی سی بھی نظیر تو تھی نہیں اس لیے پاکستان پر روایتی الزامات کو دہراتے ہوئے نظر آئے۔

بھارتی قوم اور وہاں صحافی اس بات کا انتظار ہی کرتے رہے کہ پردھان منتری جی پہلگام واقعے میں پاکستان کو گھسیٹنے کی ناکام کوشش پر کوئی ٹھوس ثبوت پیش کریں گے۔ مگر ایسا نہ ہوا۔

تاہم نریندر مودی کے غرور و تکبر کے غبارے سے ہوا نکل چکی تھی اس لیے محض الزامات اور دھونس دھمکیوں سے کام چلاتے رہے۔

کانگریس سمیت بھارت کے تاجروں، بزنس مین، معزز شخصیات اور سابق فوجی افسران نے وزیراعظم مودی کے خطاب کو مایوس کن قرار دیا۔

کانگریس لیڈر راہول گاندھی نے کہا کہ وزیراعظم مودی کو اس جنگ سے متعلق مکمل سچ کے ساتھ اسمبلی کو اعتماد میں لینا ہوگا۔