رفح اسرائیلی فوج کیلیے قبرستان بن گیا، 8 فوجی ہلاک

فلسطین کے علاقے غزہ کے بعد رفح میں زمینی کارروائی کے نتیجے میں اسرائیل کو ایک بار پھر بھاری نقصان کا سامنا کرنا پڑا ہے۔

تفصیلات کے مطابق ہفتے کے روز رفح میں زمینی آپریشن کے دوران حماس اور القسام کے مسلح مزاحمت کاروں نے اسرائیلی فوج کی بکتر بند گاڑی پرشدید حملہ کیا جس میں فوجیوں کو سنبھلنے کا موقع تک نہیں مل سکا۔

مزاحمت کاروں نے فائرنگ کے بعد بکتر بند پر راکٹ فائر کیا اور دستی بم پھینکا جس کے نتیجے میں وہ زور دار دھماکے سے پھٹی اور پرخچے اڑ گئے۔ 

حملے کے نتیجے میں تباہ ہونے والی بکتر بند میں 8 اسرائیلی فوجی سوار تھے جو موقع پر ہی ہلاک ہوگئے اور وہ ناقابل شناخت تھے۔ اسرائیلی نے 8 فوجیوں کی ہلاکت کو بڑا دھچکا قرار دیا اور کہا ہے کہ وہ حماس کے خاتمے تک حملوں کو مزید تیز کرے گا۔

اُدھر فوجیوں کی ہلاکت پر تل ابیب میں اسرائیلی شہریوں نے مظاہرہ کیا اور نتین یاہو کے خلاف نعرے بازی کرتے ہوئے جنگ بندی، فوری الیکشن کا مطالبہ کیا ہے۔