روسی صدر کی جشن آزادی پر مبارک باد

روس کے صدر پیوٹن نے پاکستان کے یوم آزادی پر صدر مملکت اور وزیراعظم سے رابطہ کر کے انہیں مبارک باد پیش کی ہے۔

پاکستان کے یوم آزادی پر اپنے پیغام میں پیوٹن نے کہا کہ پاکستان اور روس کے درمیان دوستانہ تعلقات استوار ہیں، دوطرفہ تعاون، انسداد دہشتگردی اور افغان تنازع کے حل کی کوششوں کے اچھے نتائج سامنے  آرہے ہیں۔

روسی صدر نے کہا کہ عوام کے مفاد اور بین الاقوامی سلامتی کے لیے ہمارے تعمیری تعلقات مزید فروغ پائیں گے۔

روسی ہم منصب نے صدر زرداری اور وزیراعظم سے کہا کہ  آپ کی اچھی صحت اور کامیابی کے لیے دعاگو ہوں، تمام پاکستانیوں کے لیے امن اور خوشحالی کی نیک تمنائیں پیش کرتا ہوں۔