شمالی کوریا نے نئے ایئر ڈیفنس سسٹم کا تجربہ کرلیا

پیانگ یانگ : شمالی کوریا کے لیڈر کم جونگ ان نے نئے ایئر ڈیفنس سسٹم کے تجربات کا مشاہدہ کیا۔

غیرملکی میڈیا کے مطابق شمالی کوریا کے سربراہ کم جونگ ان نے دو ایئر ڈیفنس میزائوں کی ٹیسٹ فائرنگ کا مظاہرہ دیکھا۔

شمالی کوریا کی سرکاری میڈیا  نے نئے تجربات کے حوالے سے بتایا ہے کہ نئے میزائلوں نے بہترین جنگی صلاحیتوں کا مظاہرہ کیا۔

ذرائع کے مطابق نیا سسٹم فضا میں موجود اہداف جیسے ڈرون اور کروز میزائلوں کو تیزی سے نشانہ بنا سکتا ہے۔ یہ تجربات امریکی صدر ڈونلڈ ٹرمپ کی امریکا میں جنوبی کوریا کے ہم منصب سے ملاقات سے ایک دن قبل کیے گئے ہیں۔