سائبیریا میں درجہ حرارت 80- ڈگری تک گر گیا، ہر چیز جم گئی

روس اور سائبریا میں 150 سال کی بدترین برفباری کے بعد درجہ حرارت منفی 80 ڈگری سینٹی گریڈ تک گرگیا جس کی وجہ سے نظام زندگی بری طرح سے مفلوج ہوگیا ہے۔

خبررساں ادارے کی رپورٹ کے مطابق سائبیریا میں گزشتہ روز ہونے والے شدید ترین برفباری کے بعد یخ بستہ ہواؤں کے بعد ہر چیز جم کر رہ گئی ہے جس کی وجہ سے درجہ حرارت منفی 80 ڈگری سینٹی گریڈ تک گر گیا ہے۔

سردی کی اس لہر سے روس کا دارالحکومت ماسکو بھی متاثر ہوا ہے جہاں درجہ حرارت منفی 22 تک گر گیا اور برفانی طوفان کے باعث طیاروں کی آمدو رفت بھی معطل رہیں۔

ماسکو سے 5 ہزار کلومیٹر دور اور سائبیریا کے شمال مشرقی حصے میں واقع جمہوریہ سخا کے علاقے اومیاکون میں گزشتہ شام درجہ حرارت منفی 56 ڈگری ہوگیا تھا۔

🔴 #Record #Breaking: WATCH: Record-breaking snowfall hits #Russia, with Siberia reaching minus 56°C and #Moscow facing heaviest snow in 150 years. #Severe #Weather Conditions have Paralyzed the Capital. Temperatures Likely to Fall upto -50° Below Zero! #severeweather… pic.twitter.com/MYyORRfslv

— Weather Updates PK (@WeatherWupk) December 6, 2023

سخا کے دارالحکومت یاکوتسک میں آج بھی درجہ حرارت منفی 50 رہا تاہم محکمہ موسمیات نے پیشن گوئی کی ہے کہ ان علاقوں میں اب بتدریج درجہ حرارت نیچے آئے گا۔