کراچی میں یتیم کمسن بچے سے لفٹ کے بہانے زیادتی، حالت تشویشناک

شہر قائد کے علاقے کورنگی ناصر جمپ کی رہائشی بیوہ خاتون کے کمسن بیٹے کو زیادتی کا نشانہ بنایا گیا جس کے باعث اسکی حالت تشویشناک ہے۔

تفصیلات کے مطابق واقعہ 20 دسمبر کو پیش آیا، سفاک ملزم بچے کو لفٹ دینے کے بہانے کے کر گیا اور ہازوے ندی میں سنسان جگہ پر زیادتی کی، جبکہ حالت تشویشناک ہونے پر کورنگی ڈرائیونگ لائسنس برانچ کے قریب پھینک کر فرار ہوگیا۔

کورنگی صنعتی ایریا پولیس نے بیوہ خاتون رضوانہ کی مدعیت میں مقدمہ درج کرلیا ایف آئی آر کے مطابق 20 دسمبر کی شب ایک موبائل فون سے کال آئی اور مجھے بتایا کہ تمھارا بچہ 10 سالہ زوہیب کورنگی ڈرائیونگ لائسنس برانچ کاز وے کے قریب بے ہوشی کی حالت میں ملا ہے جس کے ساتھ زیادتی ہوئی ہے اور اسے جناح اسپتال روانہ کیا گیا ہے۔

خاتون کے مطابق وہ اپنے دیور عمران کے ہمراہ جناح اسپتال گئی اپنے بیٹے کو بہت بری حالت میں دیکھا۔

 بیٹے نے ہوش آنے پر بتایا کہ وہ کورنگی ناصر جمپ کے قریب کام پر جانے کے لیے بس اسٹاپ پر کھڑا تھا کہ موٹر سائیکل سوار نامعلوم شخص نے آکر مجھے لفٹ دی جس پر میں اس کے ہمراہ بیٹھ گیا۔

متاثرہ کے مطابق ملزم مجھے گودام چورنگی لے گیا اور ندی کے قریب جنگل میں لیجا کر اسے زیادتی کا نشانہ بنایا اور جب میری حالت غیر ہوئی تو وہ مجھے موٹر سائیکل پر کورنگی لائسنس برانچ کے قریب پھینک کر فرار ہوگیا جبکہ ملزم کو سامنے آنے پر شناخت بھی کرسکتا ہوں۔

 پولیس نے مقدمہ درج کر کے مزید تفتیش کے لیے انویسٹی گیشن پولیس کے حوالے کر دیا ۔