سانحہ 9 مئی، فوجی عدالتوں سے 25 شہریوں کی سزا پر برطانیہ کا سخت ردعمل

پاکستان میں فوجی عدالتوں سے25 شہریوں کو سزاؤں پر برطانوی حکومت کا ردعمل سامنے آگیا ہے۔

برطانوی دفتر خارجہ کے ترجمان کی جانب سے جاری اعلامیے میں کہا گیا ہے کہ  برطانیہ اپنی قانونی کارروائیوں پر پاکستان کی خودمختاری کا احترام کرتا ہے۔

اعلامیے میں کہاگیا ہے کہ فوجی عدالتوں میں عام شہریوں کے ٹرائل میں شفافیت، آزادانہ جانچ پڑتال کا فقدان ہے، فوجی عدالتوں کی کارروائی سے شہریوں کے منصفانہ ٹرائل کے حق کو نقصان پہنچتا ہے۔

حکومت پاکستان شہری اور سیاسی حقوق کے بین الاقوامی معاہدے کے تحت ذمہ داریوں کو نبھائے اور انصاف کی فراہمی کو یقین بنائے۔