اسرائیل نے اقوام متحدہ کے سربراہ کو ناپسندیدہ شخص قرار دے کر اپنے ملک میں داخلے پر پابندی لگادی

اسرائیل کے وزیر خارجہ نے اقوام متحدہ کے سکریٹری جنرل انتونیو گوتریس کو ناپسندیدہ شخصیت قرار دیتے ہوئے اُن کے اپنے ملک میں داخلے پر پابندی عائد کردی۔

اسرائیل کے وزیر خارجہ کاٹز نے بدھ کے روز انتونیو گوتیرس پر الزام عائد کیا کہ انہوں نے ایران کی جانب سے اسرائیل پر کیے جانے والے حملے کی کھل کر مذمت نہیں کی۔ اس کے علاوہ غزہ میں جاری جنگ میں بھی حماس کی حمایت کی ہے۔ 

انہوں نے کہا کہ "کوئی بھی جو اسرائیل پر ایران کے گھناؤنے حملے کی غیر واضح طور پر مذمت نہیں کر سکتا، جیسا کہ دنیا کے تقریباً ہر ملک نے کیا ہے، وہ اسرائیلی سرزمین پر قدم رکھنے کا مستحق نہیں ہے،"

اسرائیلی وزیر خارجہ نے اقوام متحدہ کے سیکریٹری جنرل پر دہشت گردوں اور قاتلوں کی پشت پناہی کا الزام لگاتے ہوئے گوتریس کو اقوام متحدہ کی تاریخ کا بدنما داغ قرار دیا۔