اسرائیلی فوج کا شام کے شہر حلب کے ایئرپورٹ پر حملہ، 36 افراد ہلاک

تل ابیب: اسرائیلی فوج نے غزہ کے ساتھ ساتھ شام پر بھی قیامت ڈھانا شروع کردی ہے،  شام کے شہر حلب پر اسرائیلی فضائی حملوں میں لبنانی گروپ حزب اللہ کے پانچ ارکان سمیت 36افراد جاں بحق ہو گئے۔

غیر ملکی میڈیا کے مطابق شام کی وزارت دفاع نے کہا کہ حلب پر اسرائیل اور حزب اللہ کے فائٹرز کے درمیان کے حملوں کے بعد متعدد شہری اور فوجی اہلکار جان سے ہاتھ دھو بیٹھے۔

 اسرائیلی حملوں کے بعد دھماکوں کی آوازیں دور دور تک سنی گئی۔دوسری جانب اسرائیلی حکام نے دعویٰ کیا کہ انہوں نے شام میں حزب اللہ کے ٹھکانوں کو نشانہ بنایا۔

سکیورٹی ذرائع نے انہیں بتایا کہ جمعہ کو علی الصباح ہونے والے حملوں میں لبنانی گروپ حزب اللہ کے پانچ جنگجو مارے گئے۔