اتراکھنڈ میں ہمالیہ کے پہاڑوں میں برفانی تودہ گرنے سے 8 ہلاک

انڈیا کی ریاست اتراکھنڈ میں ہمالیہ کے پہاڑوں میں برفانی تودہ گرنے سے 8 افراد ہلاک ہوگئے۔

بھارتی میڈیا رپورٹس کے مطابق تودے کے نیچے دبنے والے 46 لوگوں کو کنٹینروں سے زندہ نکال لیا گیا ہے۔

خبر رساں ادارے اے پی کے مطابق معجزانہ طور پر زندہ بچ جانے والے لوگ تقریبا 36 گھنٹے تک برفانی تودے کے نیچے دبے کنٹینروں میں پھنسے ہوئے تھے۔

انڈین فوج نے ریسکیو آپریشن اس وقت شروع کیا جب پچھلے جمعہ کو بھاری برفباری کے باعث اتراکھنڈ ریاست کے گاوں مانا کے قریب برفانی تودہ گر گیا۔

 یہ علاقہ سطح سمندر سے تقریبا 10 ہزار 500 فٹ (3,200 میٹر) بلند ہے۔ یہ ریسکیو آپریشن تقریبا 60 گھنٹے تک جاری رہا۔