یحییٰ سنوار نے غزہ چھوڑنے کی پیشکش کو ٹھکرا دیا تھا، رپورٹ میں انکشاف

رپورٹ میں انکشاف ہوا ہے کہ حماس کے سربراہ یحییٰ سنوار نے عرب ثالثوں کی جانب سے مصر جانے کی پیشکش کو ٹھکرادیا تھا۔

غیر ملکی ذرائع ابلاغ کے مطابق امریکی اخبار وال اسٹریٹ جرنل کی رپورٹ میں انکشاف ہوا ہے کہ اسرائیل اور حماس کے درمیان جنگ بندی کے مذاکرات کے دوران عرب ثالثوں نے حماس کے شہید سربراہ یحییٰ سنوار کو غزہ جنگ چھوڑ کر مصر جانیکا موقع دیا تھا۔

رپورٹ کے مطابق حماس رہنماء نے عرب ثالثوں کی جانب سے مصر جانے کی پیشکش کو ردکردیا تھا اور جنگ کا میدان چھوڑنے کے بجائے اپنی سرزمین پر شہید ہونے کو ترجیح دی۔

رپورٹ کے مطابق سنوار کی تجویز تھی کہ میری شہادت کے بعد حماس کو ایک لیڈر شپ کونسل کا انتخاب کرنا چاہیے۔ سنوار نے قبول کیا تھا کہ اسرائیلی حملوں میں ان کی شہادت کا امکان ہے۔

امریکی اخبار کے مطابق حماس رہنما نے کہا تھا کہ اگر میں شہید ہوگیا تو اسرائیل مختلف پیشکشں کریگا مگر حماس کو ہار نہیں ماننی چاہیے۔