ایران پر حملے کا منصوبہ تیار، اسرائیلی میڈیا حقائق سامنے لے آیا

تہران: عرب میڈیا کا دعوی ہے کہ اسرائیل نے حالیہ  ایرانی حملوں کے  جواب میں فیصلہ کن منصوبہ تیار کرلیا جس کے تحت ایران کے  اہم عہدیداروں کے گھروں کو نشانہ بنایا جائے گا۔

عرب میڈیا رپورٹس اسرائیل ایرانی میزائل حملے کا فیصلہ کن جواب دینے کے لیے تیار ہے، اس منصوبے میں  ایرانی عہدیداروں  کی رہائش گاہوں پر حملے بھی شامل ہیں اور یہ حملے وزیراعظم نیتن یاہو کی رہائش گاہ پر حملے کی جوابی کارروائی ہوگی۔

اسرائیلی فوج اور غیر ملکی انٹیلی جنس سروس کی جانب سے اسرائیلی وزیراعظم نیتن یاہو اور وزیر دفاع یوو گیلانٹ کورواں ماہ کے آغاز میں ایران کی طرف سے کیے گئے میزائل حملے کا جواب دینے کے لیے ایک تفصیلی منصوبہ پیش کیا گیا ہے ۔

منصوبے میں چند منتخب اہلکاروں کے گھروں سمیت، ایرانی تیل کی تنصیبات، فوجی تنصیبات اور سرکاری مقامات سمیت متعدد ممکنہ اہداف کا خاکہ شامل ہے جب کہ نیتن یاہو کی رہائش گاہ پر حالیہ ڈرون حملے کے بدلے میں ایرانی اہلکاروں کے گھروں کو نشانہ بنایا جائے گا۔

رپورٹ میں بتایا گیا کہ ہے منصوبے کی تفصیلات صرف چند عہدیداران کے پاس ہوں گی جب کہ  ایران کے خلاف آپریشن میں شامل پائلٹس کو حملے سے کچھ دیر قبل ہی  تفصیلات اور ہدف کی معلومات دی جائے گی۔

 اس حملے میں طویل فاصلے تک ہدف کو نشانہ بنانیوالے  میزائلوں کے استعمال  کے ساتھ ساتھ  لڑاکا طیارے بھی شامل ہوسکتے ہیں۔