دلچسپ شادی، ہر مہمان کو دلہا دلہن کی طرف سے 2 لاکھ 22 ہزار روپے کے لفافے کا تحفہ

چین میں ہونے والی پرتعیش شادی میں شرکت کرنے والے مہمانوں کی کھانے کے علاوہ قیمتی تحائف، جہاز کے ٹکٹ اور دو لاکھ روپے سے زائد نقد رقم کا ہر مہمان کو لفافہ دیا گیا۔

چین میں  حال ہی میں ہونے والی ایک شادی حال ہی میں دولت کے بے حد نمائش کی وجہ سے دنیا بھر میں سرخیوں میں آگئی ہے،اس تقریب میں ایک امیر خاندان سے تعلق رکھنے والے ایک جوڑے  نے اپنے یادگار دن پر پیسہ دل کھول کر خرچ کیا۔

میزبانوں کی جانب سے شادی میں شریک مہمانوں کے ساتھ غیر معمولی سخاوت کا برتاؤ کیا گیا۔ بین الاقوامی مہمانوں کے سفری اخراجات میزبان نے ادا کیے جبکہ اُن کی رہائش کا انتظام بھی فائیو اسٹار ہوٹل میں کیا۔ 

اس کے علاوہ مہمانوں کی نقل و حمل کیلیے پرتعیش گاڑیاں اور ڈرائیور بھی مہمانوں کو فراہم کیے گئے اور وہ اپنی مرضی سے گھومتے پھرتے رہے۔

دلہا دلہن کی طرف سے شادی میں شریک ہونے والوں کو 800 ڈالر کا لفافہ بھی تحفے میں پیش کیا گیا۔ جو مہمان تحفہ دیتا اُسے نوبیاہتا جوڑے کی جانب سے لفافہ دیا جاتا جبکہ انہوں نے ہر ٹیبل پر جاکر پیسے اس طرح سے تقسیم کیے۔